Дыууæ куыстуаты ахуыргæнджытæ, семинар «Уæлæмхасæн ахуырады ахадгæ практикæты программæ» æххæст кæнгæйæ, базонгæ сты кæрæдзийы фæлтæрддзинадимæ
Горæтгæрон районы æвзонг натуралистты станцæ бабæрæг кодта Хуссар Ирыстоны делегаци. Дыууæ куыстуаты ахуыргæнджытæ, семинар «Уæлæмхасæн ахуырады ахадгæ практикæты программæ» æххæст кæнгæйæ, базонгæ сты кæрæдзийы фæлтæрддзинадимæ. Хуссар Ирыстоны минæвæрттæ дæсныйадæвдисæг ахуыртæ сарæзтой документтимæ кусынæй, стæй экологон акцитæ аразынæй. Уæвгæ мадзал дæр арæзт æрцыд уазджыты фæндонмæ гæсгæ. Горæтгæрон районы æвзонг натуралистты станцæйыл цæуы 30 азы. Кусы экологон-биологон ахурадыл. Сабиты зонындзинæдтæ фылдæр кæны цыппар къабазмæ гæсгæ. Се хсæн ацæг – наукон, социалон-педагогон, туристон – бæстазонадон æмæ æндæртæ.