Æркастысты районы райрæзты ахсджиагдæр фарстатæм
Горæтгæрон районы уыд Парламенты Советы цæугæ æмбырд. Æркастысты районы райрæзты ахсджиагдæр фарстатæм. Се *хсæн – муниципалон фæрæзтимæ ахадгæ куыст, цæрæнуæтты арæзтад, туризм, æнæниздзинадхъæхъахъхъæнынады системæйы модернизаци. Парламентаритæ бабæрæг кодтой социалон объекттæ дæр. Кусæг балцы тыххæй бæлвырддæр радзурдзæн Хъайтмазты Дзерассæ.
Парламенты рацæугæ Совет æххæстгæнгæйæ спикер Тускъаты Таймураз бабæрæг кодта Горæтгæрон районы рынчындон. Медицинон кусæнуат йæ дуæрттæ егъау цалцæджы фæстæ фарон байгом кодта. Цæрджытæн дзы сæ бон у æппæт хъæугæ æххуыс райсын æмæ ма суанг КТ-аппаратыл иртæстытæ скæнын дæр. Поликлиникæйы уыцы иу рæстæг цалдæр проекты æххæст кæнынц. Сæ хыгъды: «Земский доктор», стæй фæллойы æмæ социалон рæзты министрадимæ иумæйаг куыст.
Существенно сегодня компьютерный томограф выручает население Пригородного района и не только. Сейчас Правобережный район маршрутизирован сюда в плановом порядке. Сколько времени прошло на 5 тысяч исследований? За год».
Парламентаритæ ма бабæрæг кодтой Октябрьскæйы 1-æм скъола дæр. Ам ахуыр кæны 800 сывæллонæй фылдæр. Директор куыд радзырдта, афтæмæй сæм ацы аз байгом космонавтикæйы скъолайы филиал. Сывæллæттæ урокты ахуыр кæнынц æнæ пилотæй тæхæн аппаратимæ архайын дæр. Тускъаты Таймуразæн уæлдай цымыдисаг уыд скъоладзаутимæ профориентацион куыст.
Кусæг балцы иннæ пункт – дзидзайы æмæ æхсыры продукцийы куыстгæнæн куыстуат. Компани архайы 7 азы. Уыцы рæстæгмæ фидар бынат бацахста Цæгат Ирыстоны ахæм раззагдæр куыстуæтты *хсæн. Тускъаты Таймураз аргъ скъодта æрмæст цæттæ продукцийæн нæ, фæлæ æппæт процессæн дæр.
Кусæг балц фæцис Горæтгæрон районы культурæйы архайджытимæ фембæлдæй. Тускъаты Таймураз бафиппайдта сывæллæтты ахадгæ архайд республикæйы культурон царды. Кусджытæ Парламенты сæрдарæн фехъусын кодтой цы фарстатæ сæ тыхсын кæнынц,уыдон. Риссагдæрты *хсæн – концертон костюмтæ кæй нæ фаг кæны, стæй бæстыхæйттæ цалцæггæнинаг кæй сты, уый. Фембæлды кæронбæттæны Тускъаты Таймураз культурæйы кусджыты схорзæхджын кодта республикæйы Парламенты кады гæххæттытæй.
Тускъаты Таймуразы ныхæстæм гæсгæ, хорз бæрæггæнæнтæ ис Горæтгæрон районы райрæзты æппæт сæйрагдæр къабæзты. Парламенты сæрдар куыд загъта, афтæмæй рацæугæ æмбырды хатдзæгтæм гæсгæ сæ куысты фылдæр æргом аздахдзысты лыггæнинаг фарстатæм.
