Скодтой хатдзæгтæ ацы азы куыстæн, æркастысты ахсджиаг фарстатæм
Горæты администрацийы уыд Дзæуджыхъæуы Æхсæнадон Советы радон æмбырд. Амыдта йæ Михаил Шаталов. Скодтой хатдзæгтæ ацы азы куыстæн. Æркастысты ахсджиаг фарстатæм. Сæ хыгъды – бæстæйы президент Владимир Путины фарс рахæцын Уæрæсейы Федерацийы президенты æвзæрстыты рæстæг. Риссагдæр фарстатæй иу – Дзæуджыхъæуы æхсæнадон транспорты архайд. Ацы къабазы бæлвырд хъуыддæгтæ æххæстгонд æрцыдысты, фæлæ ма ис бирæ бакусинаг фарстатæ. Уыдонмæ хауынц: транспорты техникон уавæр, шофырты медицинон æркаст. Æмбырды ма ныхас цыд рæзгæ фæлтæры патриотон хъомыладыл. Дзæуджыхъæуы архайынц фæсивæдон клубтæ. Æхсæнадон советы уæнгты хъуыдымæ гæсгæ, сæ нымæц хъæуы фæфылдæр кæнын. Дзырдтой ма, горæты ног микрорайонты кæй нæ фаг кæны инфраструктурæйы объекттæ, ууыл дæр. Алы фарстайы фæдыл дæр амындтытæ Æхсæнадон совет арвитдзæн профилон ведомствæтæм.
