Стыр æвæрæн ацы хъуыддагмæ хæссы куыстуат «Аланиялес»
Хъæдтæ ног кæнын у экологийыл аудындзинады æнæмæнг хай. Стыр æвæрæн ацы хъуыддагмæ хæссы куыстуат «Аланиялес». Специалисттæ æмбырд кæнынц мыггæгтæ, цæттæ кæнынц тауæн æрмæг. Æмбæлгæ процедурæты фæстæ æрыгон бæлæстæ ссарынц сæ бынæттæ. Бæлвырддæр радзурдзæн Хъайтмазты Дзерассæ.
Хъæдтæ ног кæнын æнæмæнг хъæугæ хъуыддаг у промышленносты райрæзты дуджы. Куыстуат «Аланиялес»-ы уыцы куыст кæнынц – зайын кæнынц тауæн æрмæг хъæды хæдзарадæн æмæ горæты цъæх фæлыстæн. Тулдз, кæрз, тæгæр, сусхъæд æмæ тæрс. Процесс райдайы мыггæгтæ æмбырд кæнынæй. Се ппæт бæлæстæй сæ не *мбырд кæнынц, фæлæ æрмæстдæр æрдзон æвæрæнты министрады реестрмæ хаст чи сты, уыдонæй.
Бæлæсты иуæй-иу хуызтæ ис афæдзы фæстæ ныссадзын, иннæты бахъæуы 2-3 азы. Хъæрмуатты сæрмагонд уавæртæ ис – ам нæй тæвдгæнæнтæ, фæлæ дзы хъæугæ температурæ дарынц. Æрыгон талатæ дзы уидæгтæ ауадзынц æмæ тыхтæ фембырд кæнынц. Декоративон зайæгойтæ – гибискус, сыбыраг нæзы, гингко билоба цæттæ кæнынц стыр цардмæ. Ахæм у, садзынмæ цæттæ платан – уыййас срæзт 2 азмæ.
20 гектарыл – Цæгат Ирыстоны фидæны хъæдтæ. Специалистты лæмбынæг цæстдардæй хъомыл кæнынц сыфтæрджын æмæ хихджын мыггæгтæ.
«Аланиялес»-ы хъомылгонд талатæ ссардтой ног бынат. Акци «Номарæн цæхæрадон» æххæстгæнгæйæ, Хæххон паддзахадон аграрон университеты цур ныссагъдтой церцисы аллея. Уымæй ссардтой, ахуыргæнæндонæй Фыдыбæстæйы Стыр хæсты чи архайдта, уыцы кусджыты æмæ студентты ном.
Дзæгъиаты Азæмæт – Хæххон паддзахадон аграрон университеты студент: нам дали такую возможность, мы до конца нашей учебы будем вести ее, ухаживать за деревьями, вносить корректировки, и в дальнейшем будем ухаживать
Æппæт ацы талатæ тагъд рæстæджы сæ бынат ссардзысты. Хъæд ног кæныны куыст дарддæр æххæстгонд цæуы.
