Ахæм бæрæггæнæнтæ фехъусын кодтой аппаратон æмбырды
Хæцгæ низты тыххæй республикæйы рынчындæттæм æххуысагур цы адæм цæуы, уыдоны нымæц ивгъуыд къуырийы фæкъаддæр. Ахæм бæрæггæнæнтæ фехъусын кодтой аппаратон æмбырды. Фæлхасадмæ цæстдарды управленийы хъусынгæнинагмæ гæсгæ, нуазыны доны хæрзхъæддзинад бæрæггонд цæуы æрвылбон. Фæткмæ гæсгæ цæуы сывæллæтты фæлладзуадзæн — дзæбæхгæнæн кампани дæр. Æмбырды ныхас цыди Цæгат Ирыстоны артаджы уавæрыл дæр. Цæрæнуæтты-коммуналон хæдзарады, артаджы æмæ энергетикæйы министр Хъараты Тимур куыд фехъусын кодта, афтæмæй къуырийы дæргъы къуылымпыдзинæдтæ уыди республикæ артагæй ифтонг кæныны системæйы, фæлæ, хъуыддаг у рæстæмбис. Абон бензин ис зæгъæн ис алы артаджы станцæйы дæр. Æмбырды ныхас цыди фæззыгон-зымæгон сезонмæ цæттæ кæныныл дæр. Куыстытæ конд сты 75%. Фыццæгæм къласмæ бацæуынмæ та лæвæрд æрцыди 7985 курдиаты.
