Видеоконференцийы хуызы дзы архайдтой Дзæуджыхъæуы æмæ районты муниципалон скондты сæргълæуджытæ
Хицауады сæрдар Платы Альбинæйы разамындæй арæзт æрцыд, республикон программæ «Ирыстоны Намысы» организацион комитеты æмбырд. Видеоконференцийы хуызы дзы архайдтой Дзæуджыхъæуы æмæ районты муниципалон скондты сæргълæуджытæ. Стыр æргом аздæхтой программæйы фыццаг къæпхæнмæ. Уымæ та хауы йæ архайджыты регистраци. Райдыдта 1-æм мартъийы, æмæ фæуыдзæн мæйы кæрон. Абоны онг проекты сайт доблестьосетии.рф-ы сæ курдиæттæ ныууагътой сæрмагонд æфсæддон операцийы 200 ветеранæй æмæ архайæгæй фылдæр. Регистраци скæнæн ис, хи каббинетмæ бацæугæйæ æмæ анкетæ баххæст кæнгæйæ. Консультаци райсынæн æмæ цыфæнды фарстæн дæр дзуапп райсæн ис, комкоммæ телефонæй бадзургæйæ: 8 800 201 89 15. Уымæй дарддæр ма консультаци райсæн ис паддзахадон фонд «Фыдыбæстæ Хъахъхъæнджыты» филиалы, стæй социалон лæггæдты комплексон центры специалисттæй. Программæйы иннæ къæпхæнтæ сты – тестытæ æмæ кандидатты æрфарст. Уыдоны хатдзæгтæм гæсгæ ратдзысты профессионалон экспертон бæрæггæнæнтæ æмæ равзардзысты уæлахиздзауты. Фыццаг ахуырадон программæ райдайдзæн ацы аз августы. Платы Альбинæ се ппæты зæрдыл æрлæууын кодта, куыд ахсджиаг у ацы куыст кæнын, уый. Республикон программæ «Ирыстоны Намыс» æххæстгонд цæуы Цæгат Ирыстоны Сæргълæууæджы уынаффæмæ гæсгæ. Йæ сæйраг нысан у — сæрмагонд æфсæддон операцийы архайджыты ргом æхсæнадон æмæ профессионалон цардмæ здахын, разамонджыты миниуджытæ сæм гуырын кæнын. Уæ зæрдыл уын æрлæууын кæндзыстæм, проект æххæстгонд цæуы Уæрæсейы адæмон хæдзарады æмæ паддзахадон службæйы академийы паддзахадон разамынды уæлдæр скъолаимæ иумæ. Нæ республикæйы та йæ саразæг у Цæгат Ирыстоны Сæргълæууæджы æмæ Хицауады администраци.
