Уым базонгæ, æнæзакъон бырондæттæ скуынæг кæныныл цавæр куыст цæуы, уыимæ
Хицауады сæрдары хæдивæг Икъаты Русланбег кусæг балцы уыд Дигорайы æмæ Беслæны. Уым базонгæ, æнæзакъон бырондæттæ скуынæг кæныныл цавæр куыст цæуы, уыимæ. Æрдзон æвæрæнты æмæ экологийы министр Бæззаты Вадимимæ фембæлдысты подрядон организациты минæвæрттимæ, стæй Беслæны æмæ Дигорайы администраициты сæргълæуджытимæ. Объектты техникон цæттæдзинад Беслæны ныртæккæ у 94%, Дигорайы та – 83%. Администрациты разамонджытæ куыд загътой, афтæмæй бырондæтты рекультиваци у – экологи хуыздæр кæныны комплексон пъланы хай. Икъаты Русланбег куыд загъта, афтæмæй æппæт куыстытæ хъуамæ кæронмæ конд æрцæуой ацы азы 30-æм апрельмæ. Федералон проект «Генеральная уборкæ»-мæ гæсгæ ма нысан кæнынц æндæр объектты рекультиваци скæнын дæр.
