Уым базонгæ, социалон нысаниуæг кæмæн ис, уыцы объектты арæзтад, рацарæзт æмæ бындурон цалцæг куыд цæуы, уыимæ
Хицауады Сæрдары хæдивæг Икъаты Русланбег кусæг балцы уыд Цæгат Ирыстоны районты. Уым базонгæ, социалон нысаниуæг кæмæн ис, уыцы объектты арæзтад, рацарæзт æмæ бындурон цалцæг куыд цæуы, уыимæ. Куыстытæ цæуынц, паддзахадон программæ «Хъæуккаг территориты комплексон рæзт»-ы федералон проект «Хъæуккаг территориты нырыккон хуыз»-мæ гæсгæ. Рахизфарсы районы Икъаты Русланбег федта, 60 бынаты кæм уыдзæн, ахæм рæвдауæндоны арæзтад Бæтæхъойы хъæуы. Кировы районы та Елхоты федта культурон рæзты Центры арæзтад 400 бынатæн. Дыгуры районы та вице-премьер бабæрæг кодта цалдæр объекты. Астæуккаг скъола, рæвдауæндон, спортивон зал. Куыстытæ дзы цæуынц фæткмæ гæсгæ. Æрæфы районы Икъаты Русланбег федта физкультурон-дзæбæхгæнæн инфраструктурæйы объекттæ. Кусæг балцы хатдзæгтæм гæсгæ, хицауады сæрдары хæдивæг загъта. ахсджиаг кæй у куыстытæ бæрзонд æмвæзадыл кæнын. Уымæн æмæ ахсджиаг у, бынæттон царджытæн æмбæлгæ уавæртæ аразын.
