13 сентября 2022, 10:12
Хъобан — Къæхтысæр — Дæргъæвсы фæндаджы арæзтад бабæрæг кодта фæндæгты хæдзарады комитеты сæрдар Солиты Тариель
Куыд загъта, афтæмæй куыстытæ цæуынц æмгъуыдæй тагъддæр
Хъобан — Къæхтысæр — Дæргъæвсы фæндаджы арæзтад бабæрæг кодта æмæ йын аргъ скодта фæндæгты хæдзарады комитеты сæрдар Солиты Тариель. Куыд загъта, афтæмæй куыстытæ цæуынц æмгъуыдæй тагъддæр. Подрядон организаци сæххæст кодта стыр хæслæвæрдтæ. Машинæты фæндаг баиу кæндзæн дыууæ комы — Хъобангом æмæ Тæгайы ком. Дзуапп дæтдзæн æдасдзинады нырыккон домæнтæн. Арæзтады рæстæг специалисттæ къуылымпыдзинæдтæ æвзæрстой уалдзыгон донивылдтыты аххосæй, доны æмвæзад иу хæрдмæ куы ссыди, уæд. Объект эксплуатацийы ратдзысты афæдзы кæронмæ.
