Уый кадæн Офицерты хæдзары уыд бæрæгбоны æмбырд. Уым кад кодтой 70 офицерæн.
Хуссар æфсæддон зылды 58-æм æфсад сбæрæг кодта йæ равзæрды 24 азы бон. Уый кадæн Офицерты хæдзары уыд бæрæгбоны æмбырд. Уым кад кодтой 70 офицерæн. Кадджын уавæры сын радтой 58-æм æфсады командæгæнæджы майдантæ æмæ грамотæтæ. Æфсæддон горæт «Весна»-йы та службæгæнджыты сывæллæтты æмæ æппæт уазджыты зæрдæтæ бахъæлдзæг кодтой аниматортæ. Уымæй дарддæр дзы куыста æфсæддон цæлгæнæн, цыдысты сгарджыты ахуыртæ æмæ ма физонæг саразыны конкурс дæр. Фенæн ма дзы уыд хæцæнгарзы æмæ æфсæддон техникæйы равдыст, бæрæгбоны концерт æмæ æфсад саразыны историйы тыххæй хуызистыты экспозици. Хуссæр æфсæддон зылды 58-æм æфсады 24 азы боны кадæн йæ хæйтты Дагестаны, Цæцæны, Кæсæг-Балхъары республикæты, Цæгат æмæ Хуссар Ирыстоны арæзт æрцыдысты митингтæ æмæ бæрæгбоны концерттæ. Зæгъын ма хъæуы уый, æмæ 58-æм æфсад у Уæрæсейы хуссар арæнтыл политикон уавæр чи хъахъхъæны, ахæм æххæст æфсад.
