Уыцы иу рæстæг цæуынц Цæгат Ирыстоны, Дагестаны, Цæцæны республикæйы, Хуссар Ирыстоны æмæ Абхазийы
Хуссар æфсæддон зылды гæрзифтонг рæнхъыты 5 мин службæгæнæгæн райдыдтой батальонты тактикон ахуыртæ. Уыцы иу рæстæг цæуынц Цæгат Ирыстоны, Дагестаны, Цæцæны республикæйы, Хуссар Ирыстоны æмæ Абхазийы. Æфсады пресс-службæйæ куыд хъуысын кæнынц, афтæмæй хæстон æхстыты архайынц артиллеристон дивизионтæ, æмæ реактивон системæтæ «Торнадо» æмæ «Град», стæй æндæр техникæ. Сгарæн æхсæн комплексты пайда кæнынц танктæ Т-72 æмæ Т-90, стæй фисæтгцæуæг æфсæддонты хæстон машинæтæ. Ахуырты архайынц алы дæлхайæдтæ. Уыдон сты – инженерон, медицинон, уæлдæфон сгарæн æмæ æндæр хайæдтæ. Æфсæддонты æвæстиатæй тохы бынатмæ бахæццæ кæныны, стæй хæстон æхстыты æххуыс кæнынц Хуссар æфсæддон зылды хæдтæхджытæ æмæ вертолеттæ. Æдæппæйтæй ацы сæрд арæзт уыдзæн 30 ахуыргæнæн мадзалæй фылдæр.
