Автоинспектортæ ерыс кæнынц машинæ тæрынæй, мысан æхсынæй æмæ зынг хуыссын кæнынæй
Хуссар æфсæддон зылды райдыдта конкурс «Фæндаггон патруль». Автоинспектортæ ерыс кæнынц машинæ тæрынæй, мысан æхсынæй æмæ зынг хуыссын кæнынæй. Уыимæ æнæнхъæлæджы уавæрты. Ерысты регионалон къæпхæны архайдтой 10 горæты фæсæддонтæ. Бæлвырддæр хабæрттæ радзурдзæн Гуытъиаты Алинæ.
Машинæйы миддуне бамбарын æмæ йыл дæхи бафæдзæхсын. Æфсæддон автоинспекцийы кусæгæн уый йæ сæйраг хæс у. Шофыры дæсныйад æфсæддон цас хуыздæр зона, уыйбæрц æнцондæрæй йæ бон уыдзæнис йæхи тæссагдзинадæй бахизын. Уымæн хъæуынц сæрмагонд зонындзинæдтæ. Машинæ тагъд тæрын, æнæнхъæлæджы йын йæ цыд æруыромын, сонтæй æрзилын æмæ афтæ дарддæр.
Ам аргъ кæнынц алы уысмæн дæр. Хъæуы равдисын иттæг хорз дæсныдзинад æмæ ма уыимæ машинæйы цыдыл ноджыдæр бафтауын. Конус хæрз чысыл дæр йæ бынатæй куы фезмæла, уæд иумæйаг рæстæгмæ ноджыдæр æфтыд цæуынц секундтæ.
Фæлæ ацы ерысты æрмæст машинæ тæрыны дæсныдзинадмæ нæ кæсынц. «Фæндаггон патрулы» конкурсы домæнтæ æххæст кæнгæйæ, Хуссар Æфсæддон зылды специалисттæ æвдисынц, фæндаггон змæлды æгъдæуттæ куыд зонынц уый æмæ ма суанг хъыгдардбаййафджытæн фыццаг медицинон æххуыс ракæнын, стæй зынгзирвæзт ахуыссын кæнын.
Тагъд рæстæг эксперттæ бахыгъддзысты конкурсы бæрæггæнæнтæ. Æппæтуæрæсеон æфсæддон хъæзтыты сæ тыхтæ бафæлварыны бар уыдзæнис æрмæстдæр хуыздæртæн. Командон разамынды фиппаинагмæ гæсгæ, æфсæддонтæм ис уæлахизмæ тырнындзинад æмæ цæттæ сты Хуссар Æфсæддон зылды кад æппæтуæрæсеон æмвæзадыл хъахъхъæнынмæ.
