Федтой ифтонггæрзтæ æмæ технологон ногдзинæдтæ
Сырх Дзуары, социалон службæты æмæ Хуссар Ирыстоны фæллойы министрады минæвæрттæ базонгæ сты хæдзар-интернат «Узæлд»-ы куыстимæ. Федтой ифтонггæрзтæ æмæ технологон ногдзинæдтæ. Делегаци Цæгат Ирыстоны уыдзæн 3 боны. Уыцы рæстæгмæ архайдзысты республикæйы социалон лæггæдты фарстытимæ баст фембæлдты. Бæстондæр радзурдзæн Чехойты Фатимæ.
Хæдзар-интернат «Узæлд»-ы цæрæджы кафт социалон кусæгимæ уазджытæн. Дзæуджыхъæуы райдыдта социалон æххуысы специалистты профессионалон фæлтæрдтæ фылдæр кæнынимæ баст егъау мадзал.
Республикæйы фæллойы æмæ социалон рæзты министры хæдивæг Маматы Анджелæ радзырдта къабазы куыстуæтты архайды тыххæй, æрмæст стационаронты нæ, фæлæ иннæты тыххæй дæр, стæй социалон лæггæдты тыххæй дæр. Уазджытæн скодтой экскурси хæдзар-интернатыл.
Хуссар Ирыстоны фæллойы министрады, социалон куыстуæтты æмæ Сырх Дзуары минæвæрттæ æрцыдысты Дзæуджыхъæумæ се *мхуызон специалистты фæлтæрддзинадимæ базонгæ уæвыны тыххæй, аныхас кодтой хæдзар-интернаты чи цæры, уыцы ацæргæ адæмимæ. Уазджытæн равдыстой «Узæлд»-ы куысты ногдзинæдтæ – се *хсæн «Зондджын хæдзар»-ы системæ.
Ныртæккæ «Узæлд»-ы цæры 136 ацæргæ сылгоймаг æмæ нæлгоймаджы, лæггад сын кæнынц 126 адæймаджы. Специалисттæн равдыстой кабинетты ифтонггæрзтæ, радзырдтой сын куысты тыххæй. Ацæргæ адæмæн чи лæггад кæны, уыдоны боны фæтк, цæрджыты бæрæг кæныны фадат ис, æви нæ, адæмæн сæ бон хæдзар-интернатæй цас рæстæгмæ ацæуын у, уыцы æмæ æндæр фæрстытæ цымыдисаг уыдысты уазджытæн.
Мадзал ахæсдзæн 3 боны.
