Адæм ацы цаумæ тынг æнхъæлмæ кастысты
Хуымæллæджы байгом ног спортивон комплекс. Адæм ацы цаумæ тынг æнхъæлмæ кастысты. Сæ бон дзы архайын уыдзæн æрмæст бынæттон цæрджытæн нæ, фæлæ сыхаг хъæутæй фæсивæдæн дæр. Спорткомплексы кусынц уæгъдибар хъæбысхæсты æмæ армрестлингы секцитæ, стæй тренажерты зал. Бæлвырддæр радзурдзæн Хъайтмазты Дзерассæ.
Хуымæллæджы ног спортивон комплекс байгом кæныны кадджын мадзалы архайдтой Паддзахадон Думæйы депутат, уæгъдибар хъæбысхæстæй 3 хатты олимпаг чемпион Таймазты Артур æмæ физкультурæ æмæ спорты министр Гæззаты Юрий. Æппæтæй æхсызгондæр ацы цау уыд бынæттон цæрджытæн. Объект байгом кæнынмæ рагæй æнхъæлмæ кастысты.
Цæлойты Хетæг уæгъдибар хъæбысхæстæй архайы 7 азы. Куыд зæгъы, афтæмæй раздæр цы залы тренировкæ кодта, уый цалдæр хатты къаддæр уыд. Ног спорткомплекс йæ зæрдæмæ фæцыд. Ам ис æппæт уавæртæ спортæй архайынæн. Ис дзы 2 хæцæн гауызы. Уый фæрцы иу радмæ уыцы иу рæстæг сæ бон тренировкæ кæнын уыдзæн 40 адæймагæн.
Ног спортивон объект арæзт æрцыд федералон программæ «Хъæуты территориты райрæзт»-мæ гæсгæ. Кусынц дзы уæгъдибар хъæбысхæсты æмæ армрестлингы секцитæ, стæй тренажерты зал. Объект æххæст у æппæт хъæугæ спортивон ифтонггæрзтæй. Фидæны дзы фæнд кæнынц скъолайы агъоммæйы гимнастикæйы секци байгом кæнын. Комплексы сæ бон архайын уыдзæн æрмæст бынæттон цæрджытæн нæ, фæлæ сыхаг хъæутæй фæсивæдæн дæр.
Ног спорткомплекс хæссы Наниты Оледжы ном. Уæрæсейы сгуыхт тренер уыд Хуымæллæгæй рацæугæ. Бантыст ын схъомыл кæнын курдиатджын спортсменты. Се *хсæн олимпаг чемпион Богъаты Вадим.
