Сæ зонындзинæдтæ дзы æвдисынц республикæйы скъоладзаутæ
Ирон æвзаг æмæ литературæйæ Олимпиадæйы муниципалон къæпхæн дыууæ боны цæуы Дзæуджыхъæуы. Сæ зонындзинæдтæ дзы æвдисынц республикæйы скъоладзаутæ. Ам зæгъын хъæуы уый. æмæ олимпиадæ хицæнæй арæзт цæуы ирон æвзаг чи зоны, æмæ чи нæ зоны, уыдоны хсæн. Уæвгæ та зонадон мадзал цæудзæн æртæ къæпхæнæй: скъолаты хсæн этапы архайынц 3-æмæй – 11-æм кълæсты онг ахуырдзаутæ. Муниципалон къæпхæны 7-æмæй – 11-æм кълæсты онг, стæй республикон (кæронбæттæн) къæпхæны архайдзысты 9-æмæй – 11-æм кълæсты онг минæвæрттæ. Уымæй дарддæр скъоладзауты олимпиадæйы муниципалон къæпхæны уæлахиздзау суыдзæн, 50%-æй фылдæр баллтæ чи райса, ахæм ахуырдзау. Олимпиадæйы сæйраг хæстæм æмæ нысантæм хауы курдиатджын сывæллæтты раиртасын. Бæлвырддæр та – ирон æвзаг æмæ литературæйæ арф зонындзинæдтæ кæмæ ис, ахæмты. Афтæмæй рæзгæ фæлтæрмæ гуырын кæнынц мадæлон æвзагмæ уарзондзинад. Уый та у национ культурæйы ахсджиагдæр хай. Уæ зæрдыл уын æрлæууын кæндзыстæм, ирон æвзаг æмæ литературæйæ олимпиадæ хаст æрцыд федералон хыгъдмæ
