Америкаг киноакадеми бацæттæ кодта, йæ бон преми райсын кæмæн у, ахæм кинонывты номхыгъд
Ирон æвзагыл ист киноныв «Разжимая кулаки» ис «Оскар» райсыныл йæ зæрдæ чи дары, уыцы киноты хыгъды. Америкаг киноакадеми бацæттæ кодта, йæ бон преми райсын кæмæн у, ахæм кинонывты номхыгъд. Кира Коваленкойы киноныв фестивальмæ æрвыст æрцыди, номинаци «Фæсарæйнаг æвзагыл хуыздæр кино»-йы номинацийы. Лонг-листы 93 кинолентæйы. Хатдзæгтæ бæрæг уыдзысты 2 къуырийы фæстæ. Киноныв «Разжимая кулаки» у классикон темæ – ныййарджыты æмæ сывæллæтты хсæн ахастдзинæдтæ. Архайд цæуы шахтерты поселок Мызуры. Ардæм трагикон цауты фæстæ йæ бинонты æрбаласта Зауыр. Дыууæ фырты æмæ чызджы хъомыл кæны карз фæткмæ гæсгæ. Хистæр фырт Аким куыстагур ацыд Ростовмæ. Кæстæр Дакко нырма цард нæ бамбæрста, чызг Адæ та сфæнд кодта хæдзарæй алидзын, фæлæ йæ фыд раздæрау уыны, аудын кæуыл хъæуы, ахæм гыццыл сывæллонæй. Сæйраг сурæттæ кинонывы сарæзтой Æгъуызарты Миланæ æмæ Хъараты Алик.
