филиал вгтрк государственная телерадиовещательная компания “Алания”

Ирон бæгæныйы фестиваль арæзт æрцыд Цæгат Кавказы хæххон-металлургон институты. Æрвылазон мадзалы архайдтой æнхъизæн кондадты технологийы факультеты студенттæ. Фестиваль бацæттæ кодтой, зонындзинæдтæ æмæ наукон-иртасæн архайд парахат кæныны нысанимæ. Национ нозт студенттæ фыцынц бæлвырд технологимæ гæсгæ. Стыр нысаниуæг ис презентацийæн дæр. Гом дегустацийы хуызæгтæн аргъ кæнынц куыд профессионалон жюрийы уæнгтæ, афтæ ацы нозт чи уарзы, уыдон дæр. Хатдзæг скæнынц æвæрд баллты бæрцмæ гæсгæ. Уый студентты ноджы тынгдæр разæнгард кæны, зæгъынц ахуыргæнджытæ. Уымæн æмæ афтæмæй райсынц сæ предметмæ гæсгæ бæрæггæнæн кæнæ та бахыгъд.