22 ноября 2023, 11:28
«Иугонд Уæрæсе»-йы хъæппæрисæй арæзт æрцыд кæртыты баскетболы сывæллæтты Æппæтуæрæсеон фестивалы регионалон къæпхæн
Турниры архайдтой 8 командæйы Дзæуджыхъæуæй æмæ республикæйы æппæт районтæй
Парти «Иугонд Уæрæсе»-йы хъæппæрисæй арæзт æрцыд кæртыты баскетболы сывæллæтты Æппæтуæрæсеон фестивалы регионалон къæпхæн. Турниры архайдтой 8 командæйы Дзæуджыхъæуæй æмæ республикæйы æппæт районтæй. Хуыздæрыл нымад æрцыд дзæуджыхъæуккаг командæ «Белое яблоко». Уæвгæ Æппæтуæрæсеон фестивалы архайынц нæ бæстæйы 50 субъекты минæвæрттæ. Регионалон къæпхæнты уæлахиздзаутæ фембæлдзысты ерысты финалы. Уыдзæн Новосибирскы. Зæгъдзыстæм ма уый дæр, æмæ ерыстæ арæзт цæуынц партион проект «Сывæллæтты спорт» æххæст кæнгæйæ. Проекты сæйрагдæр нысантæй иу у спортивон залтæ, стадионтæ аразын æмæ цалцæг кæнын.
темæмæ гæсгæ