Уалдзæгæй нырмæ журналисттæ бацæттæ кодтой коронавирусы инфекциимæ тохимæ баст 2 мины æмæ 5 сæдæ æрмæджы
Ивгъуыд азы бæрæггæнæнтæ бахыгътой республикæйы мыхуыры æмæ дзыллон коммуникациты комитеты. Уалдзæгæй нырмæ журналисттæ бацæттæ кодтой коронавирусы инфекциимæ тохимæ баст 2 мины æмæ 5 сæдæ æрмæджы. Дзыллон информацийы муниципалон фæрæзтæн иннæ азы январы ратдзысты сæ архайдæн паддзахадон æххуыс. Дзыллон информацийы фæрæзтæн кæй радих кодтой, уыцы фæрæзты иумæйаг бæрц у 220 милуан сомы. Æргом здæхт цæуы журналистты квалификаци уæлдæр кæнынмæ. Ацы къабазы куыст цæуы Уæрæсейы журналистты Цæдисы регионалон хайадимæ. Уæлдай цæстдард – ирон æвзагыл чи цæуы, уыцы рауагъдадмæ. Сывæллæтты журнал «Ногдзау» ацы аз рауагъта литературон-аивадон продукцийы 15 мин экземпляры. Се хсæн чингуыты сери «Алайнаг библиотекæ». Баст у Аланийыл дзуæрттæ куы бафтыдтой, ууыл 1100 азы кæй сæххæст, уыимæ. Мадзæлттæ æххæстгонд цæуынц наркотикты ныхмæ программæйы фæлгæты дæр. Куыст цæуы национ телеуынынады æмæ ПТРК Аланийæн æххуыс кæныны хъуыддаджы дæр. Сентябры республикæйы хицауад сфидар кодта дзыллон информацион фæрæзты рæзты паддзахадон программæ. Нысантæм гæсгæ, 2025-æм азмæ хъуамæ рухсмæ рацæуа газетты æмæ журналты милуан æмæ æрдæг экземпляры. Уымæй уæлдай, программæ æххæстгæнгæйæ, республикæйы фæзындзæни мыхуыры фæрæзты киосктæ æмæ павильонтæ.
