Уый тыххæй хъусын кæны экологийы æмæ æрдзон æвæрæнты министрад
Июлы кæрон хъæддаг æрдзмæ цы леопардтæ рауагътой, уыдон басгæрстой æмæ фæцахуыр сты Цæгат Ирыстоны ахадгæ территорийыл. Уый тыххæй хъусын кæны экологийы æмæ æрдзон æвæрæнты министрад. Сæ хъуыртыл цы сæрмагонд фæрæзтæ ис, уыдоны бæрæггæнæнтæм гæсгæ, æппæты дарддæр атезгъо кодта Хоста. Ацыди 7 сæдæ 7 км, аленк кодта цæугæдоны сæрты, стæй ахызти стыр трассæйыл. Хоста иу хатт схызти 2 мины 5 сæдæ метры бæрзæндмæ, дыууæ хатты та 2 мины бæрзæндмæ. Иннæ рæстæг уыди хæхрæбынты æмæ хъæдты. Лаурæ та фылдæр цуан кодта хъæддаг сырдтыл. Атезгъо кодта Хостайæ дзæвгар къаддæр. Мит куы рауарыди, уæд ацыди сыхаг Кæсæг-Балхъары рдæм. Лео йæ тыхтæ дзæгъæлы нæ хардз кæны. Иннæ дыууæ леопардимæ абаргæйæ, дард нæ цæуы.
