Мадзалы ныхас цыди социалон хызты официалон æмæхсæнадты куысты хатдзæгтыл æмæ 2024-æм азмæ сæ куысты пъланыл
Цæгат Ирыстоны хицауады хæдзары кадджын уавæры хорзæхгонд æрцыдысты социалон хызты паддзахадон куыстуæтты официалон сыфты архайды æмæ сæ аивдзинады куысты къабазы хуыздæр бæрæггæнæнтæ чи равдыста, уыдон. Æнтыстджын æмæ æнæзæрдæхудт фæллойы тыххæй бузныджы фыстæджытæ радтой республикæйы сывæллæтты сфæлдыстады галуаны минæвар Инна Амировайæн, Дзæуджыхъæуы 1-æм поликлиникæйæ – Бæдтиаты Зæлинæйæн, адæмæн куыст дæттыны комитетæй Мария Палиашвилийæн, национ наукон библиотекæйы кусæг Тæтæраты Зæлинæйæн, республикæйы физкультурæ æмæ спорты министрады уæнг Туаты Дианæйæн. РЦИ-А Сæргълæууæджы æмæ хицауады администрацийы номæй арфæйы фыстæджытæ райстой ацы къабазы бирæ æндæр минæвæрттæ дæр. Мадзалы ныхас цыди социалон хызты официалон æмæхсæнадты куысты хатдзæгтыл æмæ 2024-æм азмæ сæ куысты пъланыл. Регионæн разамынддæттæг центры разамонæг Бæтаты Алексей куыд фæнысан кодта, интернеты социалон хызтæ ныртæккæ сты ахадгæ фæрæз, адæммæ информаци хæццæ кæнынæн. Цæгат Ирыстоны хыгъд ис мин паддзахадон сыфæй фылдæр. Сæ бафысджытæ сты 300 мин адæймагмæ хæстæг.
