Абон кæронбæттæн бакасты, Паддзахадон Думæ хорзыл банымадта, Конституцимæ ивддзинæдтæ бахæссыны закъоны проект. Дæллаг палатæмæ документ бахаста Президент Владимир Путин. Сæйраг закъоны ивддзинæдтæм æркæсдзысты Федерацийы Советы æмæ Конституцион тæрхондоны дæр. Фæлæ кæронбæттæн хатдзæг аразгæ у Уæрæсейы цæрджытæй. 22-æм апрелы ацæудзæн æппæтуæрæсеон хъæлæс кæныны процедурæ. Уым сбæрæг уыдзæни ацы хъæппæрисы хъысмæт дæр.
Æппæтуæрæсеон хъæлæс кæныны процедурæ ногыл нымад у. Уый тыххæй дæр ис закъоны проект æмæ фыст æрцыди, Конституцимæ ивддзинæдтæ бахæссыны тыххæй документы. Абон æй хорзыл банымадта Паддзахадон Думæ. Хъæппæристæм Федерацийы Советы æмæ Конституцион тæрхондоны куы æркæсой, уæд адæмæн уыдзæни, Конституцийы редакци хъæуы, æви нæ хъæуы, уый равзарыны бар.
Уый дæр у – адæймаджы бартæ хъахъхъæныны æмæ парахат кæныны мадзæлттæй иу. Банымайæн ма йæ ис историон æмæ стыр бæрнондзинадыл. Сæйраг закъонмæ ивддзинæдтæ бахæссыны тыххæй информаци парахатгонд цæуы уæрæхæй. Уæлæмхасæн хуызы ма сæ фехъусын кæндзысты центрон æвзарæн къамис æмæ депутаттæ.
Президент цы фæндонтæ бахаста, Конституцимæ ивддзинæдты тыххæй, уыдон арæзт сты регионты ахадындзинад закъонывæрынады фæфидар кæнынмæ.
Уыимæ фæхъомысджындæр уыдзæни Паддзахадон советы æмæ Федералон æмбырды, стæй муниципалон хицаудзинады ахадындзинад дæр. Конституцийы ног редакцийы фыст ис бирæ ног социалон гарантитæ. Бæлвырддæр та – пенситы индексаци. Ивддзинæдтæ хъуамæ хорзырдæм фæзыной, паддзахады рæзты гæнæнтæ куыд гæнæн ис, афтæ фæуæрæхдæр кæныны хъуыддагыл.
