Баст сты арæзтадон æмæ аивгæнæн продукцийы рауагъдимæ
Республикæйы хицауады сæрдары хæдивæг Кæсæбиты Игорь цы æмбырд сарæзта, уым ныхас цыд бизнес-æхсæнады æмæ хицауады хсæн фарстатыл. Баст сты арæзтадон æмæ аивгæнæн продукцийы рауагъдимæ. Нæ республикæйы ацы къабазы архайд у алывæрсыг, фæлæ æдзух сæ хæрзхъæддзинад зæрдæрайгæ нæ вæййы, загъта вице-премьер. Промышленносты æмæ транспорты министрады бæрæггæнæнтæм гæсгæ 50 куыстуатæй фылдæр уадзынц алыхуызон аразтадон хомаг – агуридур, бетон, асфальт. Уымæй уæлдай 30 чысыл куыстуаты архайынц æрдзы æвæрæнтæй ист хъæздыгдзинæдтимæ, хъæдæрмæг æмæ дуртимæ. Кæсæбиты Игорь куыд бафиппайдта, афтæмæй куыстутæттæ сифтонг кæнын хъæуы, нырыккон домæнтæн дзуапп чи дæтты, ахæм кусæнгæрзтæй. Стæй ацы къабазы райрæзтæн фаг инвестицитæ нæй. Арæзтад æмæ архитектурæйы министр Тотыккаты Артуры хъуыдымæ гæсгæ нæ республикæйы уагъд арæзтадон продукци æдзух домæнтæн дзуапп кæй нæ дæтты, уый аххосæй дæр ацы къабазы райрæзт цæуы къуылымпы. Боны фæткы сæйраг фарста уыд проекттæм бахæссын бынæттон хомаг, æмæ уæд продукцийы хæрзхъæддзинад æмæ йæ аргъ уыдзысты ерысхъом. Арæзтадон æрмæджытæ цы куыстуæтты уадзынц, уыдоны хицæуттæ загътой, цы фарстатæ сæ тыхсын кæныц, уый тыххæй. Уыдон та сты – ерысхъомдзинады цæстфæлдахæн митæ, специалисттæ кæй нæ фаг кæны, тарифтæ æмæ сæ продукци ауæй кæнын. Уый хыгъд вице-премьер загъта, цæттæ кæй сты байхъусынмæ æмæ уыцы фарстатæ царды сæххæст кæнынмæ. Уыдон ахъаз уыдзысты нæ ресупбликæйы хæрзхъæд арæзтадон продукцийы рауагъдадæн.