Кинолентæйы сæйраг хъайтар сси проект «Стоматологическое здоровье»-йы разамонæг Гиголаты Эдуард
«Величию нас учат горы». Кинойы хæдзары презентаци уыди режиссер Гулуты Вячеслав фæстагмæ цы кинонывыл бакууыста, уымæн. Кинолентæйы сæйраг хъайтар сси проект «Стоматологическое здоровье»-йы разамонæг Гиголаты Эдуард. Йæ командæимæ æххуыс кодта республикæйы дæрддзæф хъæуты цæрджытæн. Йæ цæугæ стоматологон станцæимæ бабæрæг кодта хæхбæсты бæрзонддæр хъæутæ. Специалист æххуыс кодта куыд хистæр кары адæмæн, афтæ гыццыл пациенттæн дæр. Эдуард куыд зæгъы, афтæмæй йын кинойы хъайтар суæвын уыди цымыдисаг фæлтæрддзинад. Кинонывыл кусгæйæ оператор æмæ продюсер Гулуты Вячеслав йæ цардæй ахицæн. Фæлæ уæддæр, премьерæ бацæттæ кодтой, куыд æмбæлы, афтæ. Кинойыл кæронмæ бакусыстой йæ хæлæрттæ æмæ йе мкусджытæ.
