06 мая 2026, 10:37
Кировы номыл хиды цæуы бронзæйæ конды домбайты реставраци
Уый тыххæй фехъусын кодта Дзæуджыхъæуы администрацийы сæргълæууæг Милдзыхты Вячеслав
Кировы номыл хиды цæуы бронзæйæ конды домбайты реставраци. Уый тыххæй фехъусын кодта Дзæуджыхъæуы администрацийы сæргълæууæг Милдзыхты Вячеслав. Специалисттæ кусынц къæпхæнгай, цæмæй скульптурæтæн сæ фыццаг хуыз раздахой, æмæ сæ рæстæгæй æмæ боныхъæдæй бахъахъхъæной, уый тыххæй. Раздæр уал сæ ныссыгъдæг кодтой зæронд ахорæнæй. Скульптурæтæ схъарм кодтой æмæ сæ бапырх кодтой сæрмагонд змæстæй. Афтæмæй сын раздахдзысты сæ хуыз. Кæронбæттæны та бронзæ байсæрддзысты æрдзон мыдадзæй. Куыстытæ фæуыдзысты 9-æм маймæ. Уæ зæрдыл уын æрлæууын кæндзыстæм, зындгонд мастер Баскаты Сосланы скульптурæтæ хидыл сæвæрдтой 25 азы размæ.
