06 мая 2020, 16:25
Коронавирусæй рынчын адæмимæ кæм кусынц, республикæйы уыцы рынчындæттæн радтой машинæтæ
цы машинæтæ сты бахъуаджы рæстæг рынчындæттæм дохтырты æмæ хостæ ласынæн
Коронавирусæй рынчын адæмимæ кæм кусынц, республикæйы уыцы рынчындæттæн радтой машинæтæ. Фыст сыл ис хештег#СпасибоВрачам. Ацы машинæтæ сты бахъуаджы рæстæг рынчындæттæм дохтырты æмæ хостæ ласынæн. Стæй, анализтæ лабораторитæм ласынæн. Дыууæ машинæйы республикон клинкон æмæ тагъд æххуысы клиникон рынчындæттæн радта парти «Иугонд Уæрæсе». Транспортæй ныридæгæн пайда кæнынц. Дохтыртæ куыд зæгъынц, афтæмæй сын сæ куыст зынгæ фæрогдæр кодтой. Партийы уæнгты ныхæстæм гæсгæ, машинæтæ балхæнын къухы бафтыди парти разамынддæттæг æмæ организацион хæрдзтæй цы æхца сфæстауæрц кодта, уыдоны фæрцы.