Бынæттон туризмы рæзты уавæрыл Тускъаты Таймураз æрныхас кодта профилон комитеты разамонæг Хъодзаты Зауырбегимæ
Коронавирусы аххосæй æппæты тынгдæр æфхæрд баййæфта туристон къабаз. Бынæттон туризмы рæзты уавæрыл Тускъаты Таймураз æрныхас кодта профилон комитеты разамонæг Хъодзаты Зауырбегимæ. Ныхас цыди «Туризм»-ы программæйы «фæндаггон картæйы» царды рауадзыныл. Бакуыстой 8 маршрутыл. Æппæты ахадгæдæр у, Дзæуджыхъæуы чи райдайы, уыцы маршрут. Уый фæстæ ацæуы Куырттаты комыл, бахæццæ вæййы Дæргъæвсмæ, æмæ фæвæййы Хъæрмæдоны. Хъодзаты Зауырбеджы ныхæстæм гæсгæ, фæзынди æртæ интерактивон терминалы, æвæрд æрцыдысты автовокзалы æмæ аэропорты. Уымæй уæлдай, фæзындзысты фысымуат «Владикавказ», дзæбæхгæнæн комплекс «Роза ветров» æмæ отель «Форрест»-ы. Терминалтæ æххæст кæнынц информацион центры хæстæ. Се ххуысæй туристтæн æнцондæр уыдзæни регионы маршруттæ хуыздæр зонынæн, рæстæгмæ кæм æрлæууæн ис, аходæн скæнæн кæм ис, культурон мадзæлттæ æмæ æндæр хъуыддæгтæ базонæн уыдзæни терминалтæй. Бакуыстой бальнеологийы рæзты концепцийыл дæр. Видеоконференцийы рæстæг премьерæн доклад скодтой финансон цæстдарды службæйы афæдзы куысты хатдзæгты тыххæй дæр.
