Ацы фарстатыл ныхас цыди парламенты æмбырды
Куыд ис республикæйы уникалон æрдз бахъахъхъæнын, æмæ туристтæн æмбæлгæ уавæртæ саразын. Ацы фарстатыл ныхас цыди парламенты æмбырды. Ацы закъоны проект домы æппынæдзух цæстдард æмæ æххуыс, – загъта Тускъаты Таймураз. Уый та ратдзæни регионы экономикон рæзты бæрæггæнæнтæ фæхуыздæр кæныны фадат. Æмбырды хицæн блок баст уыди ахуырадимæ. Æрдзырдтой республикæйы астæуккаг профессионалон ахуырады системæйы гæнæнтыл. Ацы темæйыл бæстон докладимæ раныхас кодта профилон министр Алыбекты Эллæ. Уымæй уæлдай, ивддзинæдтæ хаст æрцыди бирæфатерон хæдзæртты бындурон цалцæджы закъонмæ. Тускъаты Таймуразы ныхæстæм гæсгæ, ивддзинæдты фæрцы ныр фадат уыдзæни фылдæр арæзтадон æрмæджытæ æлхæнынæн, уыимæ та фæхуыздæр уыдзæни цалцæггæнæн куыстыты хæрзхъæддзинад дæр.
