Уый тыххæй йæ пресс-конференцийы радзырдта куыстуаты разамонæг Дзанайты Хетæг
Куыстуат «Аланияэнергосети» ивгъуыд аз аиуварс кодтой мин æмæ рдæг технологон аипдзинады. Инвестицион программæ æххæст кæнгæйæ, сæвæрдтой 6 мин нымайæн приборæй фылдæр. Уый тыххæй йæ пресс-конференцийы радзырдта куыстуаты разамонæг Дзанайты Хетæг. 2022-æм азы апрелы аразын райдыдтой иумæйаг регионалон оператор, цæмæй энерги фæстауæрцгæнæн хъуыддаг æмæ энергетикæйы къабаз рæза, уый тыххæй. Ныртæккæ куыстуат лæггад кæны республикæйы 5 районæн æмæ стæй Дзæуджыхъæуы объекттæн. Ивгъуыд аз Мæздæджы 6 дæлстанцæйы скодтой электрон кусæнгæрзты бындурон цалцæг. Уымæй дарддæр 48 трансформаторон дæлстанцæйы цалцæг дæр. Хъалонты базæ сси 124 милуан сомы. Ацы азмæ снысан кодтой Алагиры районы хæххон хъæуты дæлстанцæты электрон тыхдæттæг телты цалцæг æмæ рацарæзт. Республикæйы æппæт районты цалцæггæнæн программæйæн радих кæнын хъæудзæн 226 милуан сомæй фылдæр. 15-æм февралы райдыдтой стадион Спартачы технологон куыстытæ. Дзанайты Хетæг ма загъта, тарифтæ фылдæр кæй нæ кæндзысты, уый. Æрмæст инфляци хынцгæйæ, цы 8% уыдзæн, уый нæ нымайгæйæ.