Æдæппæтæй ацы аз йæ архайджытæ систы 250 педагогы. Финалмæ рацыдысты 90-æй
Кванториумы 2 ахуыргæнæджы – Иван Ковалев æмæ Светлана Макаренко – рацыдысты Æппæтуæрæсеон педагогон конкурс «Сердце отдаю детям»-ы финалмæ. Æдæппæтæй ацы аз йæ архайджытæ систы 250 педагогы. Финалмæ рацыдысты 90-æй. Се *хсæн не *мзæххонтæ дæр. Бæрзонд конкуренцийæ æрыгон педагогтæ нæ тæрсынц. Цæттæ сты дарддæр ерыс кæнынмæ. Финал уыдзæн Красноярскы. Бæлвырддæр хабæрттæ радзурдзæн Хъайтмазты Дзерассæ.
Иван Ковалев сывæллæтты кванториумы ахуыр кæны 2 азæй фылдæр. Амоны Медиатехнологийы сусæгдзинæдтæ. Уырдæм хауынц сценаритæ фыссын, æрмæг исын æмæ видеомонтаж. Йæ къорды архайджытæн хорз æнтыстдзинæдтæ ис. Йæ хъомылгæнинæгтимæ Иван Ковалев архайы конкурсты. Ацы аз та бæрзонд æмвæзадыл йæхи равдыста æппæтуæрæсеон педагогон конкурс «Сердце отдаю детям»-ы.
Иван Ковалев, Сывæллæтты технопарк «Кванториум 15″-ы уæлæмхасæн ахуырады педагог: » Конкурс был небольшой в моей номинации, но соперники были достойными. Так получилось, что жюри решили,что именно я прохожу в следующий этап. Следующий этап был заочным, федеральным. На этом этапе я должен был записать видео, написать эссе и пройти тестирование. По итогам тестирования я недавно узнал, что прохожу в финал очного этапа, который пройдет в Красноярске».
Ацы аз архайджытæ уыдысты 250-йæ фылдæр. Финалмæ рацыдысты 90-æй. Уыдонæй дыууæ адæймаджы Цæгат Ирыстонæй. Светлана Макаренко ма йæ тыхтæ бафæлвæрдта фарон Хъазаны. Бахæццæ финалмæ. Ацы хатт æй фæнды фæуæлахиз уæвын.
Бæрзонд конкуренци ацы аз уыд техникон номинацийы. Гом уроктæ уыдысты «Кванториум»-ы бындурыл. Конкурсы финал уыдзæн сентябры. Уæлахиздзау райсдзæн æхцайы приз. Кæд цæгатирыстойнаг педагогтæ рамбулой, уæд иннæ аз конкурсы финал уыдзæн Дзæуджыхъæуы.
