Ахæм хатдзæгмæ æрцыдысты Цæгат Ирыстоны сæргълæууæг Битарты Вячеслав æмæ Хуссар Ирыстоны президент Бибылты Анатолий.
Мадæлон æвзаг ахуыр кæнын сæ сæйраг бæллиц у, фæсарæнты чи цæры, уыцы ирæттæн.
Ахæм хатдзæгмæ æрцыдысты Цæгат Ирыстоны сæргълæууæг Битарты Вячеслав æмæ Хуссар Ирыстоны президент Бибылты Анатолий. Абон фембæлдысты этнолагеры архайджытимæ. Дыууæ республикæйы разамонджытæ бæстон дзуæппытæ лæвæрдтой лагеры архайджыты фæрстытæн. Уымæй дарддæр ма сын фехъусын кодтой сæхи фæнд дæр. Ома иумæйаг стратегийыл бакусын, цæмæй æппынæдзухдæр мадæлон æвзаджы рæзтыл куыст цæуа, уый тыххæй. Уæвгæ та лагеры архайджыты хъуыды у иу – ирон уидæгтæ æмæ традицитæ сын сты æцæг хæзнайы хуызæн. Фæстæдæр Битарты Вячеслав æмæ Бибылты Анатолий сæ къухтæ æрæвæрдтой, æрæджы кæй сног кодтой, уыцы Цæллагты мæсыджы сæйраг кулдуарыл. Æмæ уым ис арф хъуыды æвæрд. Ацы бонæй, зæгъæн ис, æмæ райдыдта ирон адæмы ног истори.
