Зынгæ бынат уыцы хъуыддаджы ахсы полилингвалон ахуырад
Мадæлон æвзаг бахъахъхъæныныл конд цæуы бирæ мадзæлттæ. Зынгæ бынат уыцы хъуыддаджы ахсы полилингвалон ахуырад. Йæ фæрцы рæвдауæндæтты хъомылгæнинæгтæ исынц мадæлон æвзагмæ уарзондзинад. Ахæм ахадгæ куыст цæуы Цыколайы рæвдауæндон «Солнышко»-йы.
Алли бон дæр ауæхæн цæмæдес хабæрттæй райдайунцæ сæ уроктæ Чиколай рæвдауæндонæ «Солнышки». Фæлтæрдгин гъомбæлгæнæг Мудойти Ира хуарз зонуй сувæллæнтти зондахастмæ над. Æ берæ æнзти куст ин фадуат дæдтуй алли сувæллони уодмæ дæр ка багъара, уæхæн дзубандитæ фæхъхъæртун кæнун. Æвæдзи æ кустмæ куд фæнди цæстæй ка кæса, е Ири хузæн нæ архайдзæнæй æ гъомбæлгæнуйнæгти бæрзонд зонундзиндтæбæл, уой ба æрмæст мадæлон æвзаг базонуни фарстай нæ, фал уомæй пайда кæнгæй сувæллони меддуйне фæгъгъæздугдæр кæнунбæл.
Полилингвалон къабæзæбæл архайгæй рæвдауæндони коллектив агоруй гæнæнтæ сæ сабитæн федæни ци æрмæг бабæззæнæй, уой сæмæ хъæртун кæнунунбæл дæр.
Куд фæлтæргин косæгмæ, уотæ Мудойти Ирæмæ дæр ес æхе гъудитæ аци программæ сабитæмæ фæххæстæгдæр кæнунæн.
Кæд Солнышки сæ уавæртæ хиццагдæртæй нæ æнцæ, уæддæр уой гъомбæлгæнуйнæгти зондахастбæл бæрæг кæнун нæ уадзунцæ, æ косгутæ. Берети фæндуй ардæмæ æрбакæнун сæ сувæллæнтти. Æ коллектив æнзтæмæ бавдиста æ арæхстдзинадæ æ рæстзунд рауагъдонтæй. Фал куд зæгъунцæ уотемæй, æвзагзонунади фарстай ба гъæуама сæ фарсмæ ниййергутæ дæр æрбалæууонцæ.
Бæргæ архайунцæ алли хузи дæр сувæллонмæ мадтæлон æвзаги фæлмæндзинадæ, рæсугъддзинадæ фæхъхъæртун кæнунбæл, фал исæмбæлунцæ цæлхдортæбæл, æнæхъæртон гъуддæгутæбæл.
Тохъайти Надеждæ цæргæ бонти косуй кæстæр фæлтæри хæццæ, фал аци рæвдауæндони сæргъи æрлæугæй ба, бадес кодта, нуриккон гъуддæгутæбæл куст куд цæуй, æноси æрдæгæй фулдæр ци рæвдауæндонæбæл цæуй, уоми, кæд æма æ гæнæнтæ, уотæ нæ амонунцæ, уæддæр.
Куд фæззæгъунцæ – косун ке фæндæ уа, е иссеруй мадзæлттæ! Уотæ «Солнышко» – мæ бацæугæй, кæд сæ уавæртæ унгæг æма зин равналæн æнцæ, уæддæр æнæ бафеппайæн нæййес коллективи куст ке æй бафæнзуйнаг , æрмæст полилингвалон ахуради къабази нæ, фал сæ æнæзинадæ архайдæй дæр. Уоци еу уатæй æрбайаразунцæ актон зал , хуæрæндонæ, гъазæндонæ, уой хæццæ ба æгас санитарон домæнтæ æнхæст кæнгæй. Нур ма аци коллективи къохи фулдæр гæнæнтæ ку уа, удта цумæ цитæ равдесиуонцæ æма ци дессаги сабитæ ракæниуонцæ царди се ннæ къæпхæнмæ.
