филиал вгтрк государственная телерадиовещательная компания “Алания”

Мæздæджы арæзт æрцыд регионты хсæн турнир аивадон гимнастикæйæ. «Надежда». Афтæ схуыдтой мæздæггæгтæ сæ традицион ерыстæ. Дыууæ азы иу хатт сæм æрбацæуынц Уæрæсейы алы регионты гимнасткæтæ. Ацы аз турниры архайдтой 16 командæйы. 600 спортсменкæйы онг ерыс кодтой спортивон арæхстдзинадæй, рæсугъд æмæ аивдзинадæй. 1 минут æмæ 30 секунды цæуы алы равдыст. Уыцы мгъуыдмæ чызджытæ раргом кодтой се спортивон цæттæдзинад.  Жюрийы хыгъды уыдысты, ерыстæм сæ чи бацæттæ кодта, уыцы тренертæ. Алы командæйы арæхстдзинадæн дæр скодтой стыр аргъ. Граци æмæ пластикæйы бæрæгбон цыди 3 боны. Спортсменкæтæ ерыс кодтой алы кары категориты.