Федералон бюджетæй субсидитæ райсыны тыххæй, социалон ахадындзинад кæмæн ис, ахæм проектты хсæн конкурс ацыдысты «Мæздæггаг фидиуæджы» дыууæ проекты
Мæздæджы информацион-рауагъдадон центр сси дыууæ гранты хицау. Федералон бюджетæй субсидитæ райсыны тыххæй, социалон ахадындзинад кæмæн ис, ахæм проектты хсæн конкурс ацыдысты «Мæздæггаг фидиуæджы» дыууæ проекты: «История Моздока – через призму современности» æмæ «Профориентация и самоопределение подростков и молодежи». Районы газет «Мæздæггаг фидиуæджы» сыфтыл ацы аз мыхуыр кæндзысты ацы темæтимæ баст æрмæджытæ. Федералон бюджетæй нысан кæнынц 670 мин сомы райсын. Ахæм фæрæзты æххуыс хъуамæ хуыздæрырдæм фæзына куыстуаты гæнæнтыл.
Газеты редакци ныр цыппæрæм аз активонæй архайы Уæрæсейы нымæцон Министрады конкурсы. Æмтгæй райсгæйæ, ныридæгæн самал кодтой 1 милуан сомæй фылдæр. Цалдæр азы размæ хаст æрцыд уынаффæ, зындзинæдтæ чи æййæфта, уыцы типографи, æмæ æнтыстдзинæдтæ чи æвдыста, уыцы редакци баиу кæныны тыххæй. Афтæмæй арæзт æрцыд Мæздæджы информацион-рауагъдадон центр. Абоны онг редакцийы ис, газет куыд посты уылты, афтæ копроративон æмæ электрон хуызы рафыссыны хуыз. Уый та фадат дæтты фæрæзтæ фæстауæрц кæнынæн, газеткæсæг та йæ рафыссы ныллæг аргъæй. Журналистты æмæ æндæр специалистты коллектив у æнгом æмæ профессионалон. Кусджытæ афоныл исынц сæ мызд, æмæ ма сын ис сфæлдыстадон æгъдауæй сæхиуыл кусынæн дæр.
