Баст уыдысты Уæрæсейы адæмты иудзинады афæдзимæ
Мæздæджы кæронмæ фесты Цæгат Ирыстоны сывæллæтты æмæ фæсивæды 17-æм гом ерыстæ æфсæддон хъæбысхæсты хуызтæй. Баст уыдысты Уæрæсейы адæмты иудзинады афæдзимæ. Ерысты архайдтой 300 æрыгон спортсмены, сæ хыгъды Цæгат Кавказы республикæты минæвæрттæ. Уазджытæн арфæ ракодтой хицаудзинады оргæнтæ, æхсæнадон организацитæ, сæрмагонд æфсæддон операцийы ветерантæ. Ацы хъæзтыты традициты тыххæй сын радзырдта Цæгат Ирыстоны æфсæддон хъæбысхæсты цæдисы директор Цæлыккаты Руслан. Мæздæджы дзюдойы æмæ каратэйы иугондты хъомылгæнинæгтæ та архайдтой æвзарæн ерысты. Хатдзæгтæм гæсгæ, цæугæ кубок баззад Мæздæджы тхеквондисттæм. Ныртæккæ республикæйы æмбырд кæнынц, æппæтуæрæсеон æрвылазон спортивон ерысты чи архайдзæн, ахæм иугонд командæ. Уыдон та ацæудзысты сентябры Анапæмæ.
