филиал вгтрк государственная телерадиовещательная компания “Алания”

Мæздæджы механикон-технологон техникумы студенттæ бацархайдтой æппæтуæрæсеон акцийы «СТУДзаБЕГ – колледжи»-йы. Баст уыд студентон спорты æппæтадæмон бонимæ. 150 ахуыргæнинагæй фылдæр æрæмбырд сты Уæлахизы Парчы. Арфæйы ныхæсты сын ракодтой районы ветеранты советы уæнгтæ, мидхъуыддæгты министрады кусджытæ, «Хæстон æфсымæрады» минæвæрттæ. Се ппæт дæр дзырдтой, куыд ахсджиаг у фæлтæрты бастдзинад фидардæр кæнын æмæ райгуырæн зæххы сæраппонд архайын. Студенттæ адугъ кодтой 3 километры дистанцийыл. Алы архайæгæн дæр радтой сертификат. Мадзал арæзт æрцыд, национ проект «Дæргъвæтин æмæ активон цард» æххæст кæнгæйæ.