Баст уыд Евгений Крупновы 120 азы бонимæ
Мæздæджы Пушкины номыл библиотекæйы арæзт æрцыд номарæн мадзал «Жизнь, отданная науке и Кавказу», æмæ баст уыд Евгений Крупновы 120 азы бонимæ. Евгений Крупнов уыд зындгонд историк æмæ археолог, кавказиртасæг, Ленины номыл премийы лауреат. Райгуырд æмæ схъомыл Мæздæджы. Куыста нефтуадзæг куыстуæтты. Уыд Фыдыбæстæйы Стыр хæсты архайæг. Хæсты фæстæ та райдыдта Цæгат Кавказы истори æмæ археологи иртасын. Йæ наукон куыстытæ абон дæр сты ахадгæ. Пайда сæ кæнынц, нæ регионы кусæг ахуыргæндтæ. Мæздæджы Крупновы ном хæссы сæ уынгтæй иу æмæ иумæйагахуырадон скъола. Евгений Крупновы ахуыргæнинаг, историк æмæ археолог Владимир Кузнецов районы бæстæзонæн музейæн балæвар кодта Крупновы чингуытæ. Номарæн мадзалы ма се ппæтæн фадат уыд кæрæдзийы фæлтæрддзинадимæ базонгæ уæвынæн, стæй Цæгат Кавказы наукæ, культурæ æмæ историйы рæзтыл аныхас кæнынæн.
