29 апреля 2022, 11:24
Мæздæджы район бабæрæг кодта Алайнаг æмæ Дзæуджыхъæуккаг Алчыр Герасим
Куадзæны къуыри ахæм балц арæзт æрцыд фыццаг хатт
Мæздæджы район бабæрæг кодта Алайнаг æмæ Дзæуджыхъæуккаг Алчыр Герасим. Куадзæны къуыри ахæм балц арæзт æрцыд фыццаг хатт. Мады Майрæмы номыл аргъуаны кадджын уазæгыл сæмбæлдысты ацы зылды дины кусджытæ æмæ хъазахъхъаг æхсæнадты минæвæрттæ. Традицимæ гæсгæ хъазахъхъæгтæ активонæй архайынц æхсæнады царды, æххуыс кæнынц аргъуантæн, кæнынц рухстауæн куыст. Службæйы фæстæ епархийы сæргълæууæг арфæйы ныхæстæ ракодта чырыстон дины минæвæрттæн æмæ уырнæг адæмæн. Кæронбæттæны Алчыр Герасим бабæрæг кодта Архистратиг Михаилы номыл аргъуан станицæ Луковскæйы, æмæ аныхас кодта бынæттон цæрджытимæ.
темæмæ гæсгæ