Баст уыд зындгонд поэт, тæлмацгæнæг, национ газет «Рæстдзинад»-ы бындурæвæрджытæй иу – Гулуты Андрейы райгуырды 130 азы бонимæ
Мæздæджы районы Черноярскийы станицæйы арæзт æцрыд литературон изæр. Баст уыд зындгонд поэт, тæлмацгæнæг, национ газет «Рæстдзинад»-ы бындурæвæрджытæй иу – Гулуты Андрейы райгуырды 130 азы бонимæ. Мадзал саразыныл бакуыстой нæ республикæйы фысджыты цæдисы уæнгтæ. Бирæтæ дзы йемæ зонгæ уыдысты лæгæй лæгмæ. Уæвгæ, Гулуты Андрей фыста иронау, дыгуронау æмæ уырыссагау. Уымæй дарддæр ма тæлмац кодта ирыстойнаг классикты уацмыстæ. Цæгат Ирыстоны фысджыты Цæдисы минæвæрттæ скъоладзаутæн радзырдтой Гулуты Андрейы ирд сфæлдыстадон фæндаджы тыххæй. Стыр æргом аздæхтой, йе мдзæвгæтæ цæмæй хицæн кодтой, уыцы миниуджытæм. 1974-æм азы Андрей сси фыццаг ирыстойнаг поэт, «Цæгат Ирыстоны Адæмон поэт»-ы кадджын ном лæвæрд кæмæн æрцыд, ахæм. Йæ райгуырæн станицæйы йын йæ ном нæ рох кæнынц, зæрдиагæй æмбырд кæнынц йемæ баст архивон æрмæджытæ, æмæ йын цæстыгагуыйау хъахъхъæнынц йæ уацмыстæ.
