05 февраля 2021, 10:59
Мæздæджы скъоладзауты хъæппæрисæй ацыди, чи нал бæззы, ахæм батарейкæтæ æмбырд кæныны акци
Фæсивæд архайынц Мæздæджы 3-æм скъолайы экологон отряды
Мæздæджы скъоладзауты хъæппæрисæй ацыди, чи нал бæззы, ахæм батарейкæтæ æмбырд кæныны акци. Фæсивæд архайынц Мæздæджы 3-æм скъолайы экологон отряды. Сæ нысан у, нæ алыварс æрдзы сыгъдæгдзинадыл кусын. Ахуыргæнæндоны фойейы сарæзтой, зæронд батарейкæтæ кæм исынц, ахæм пункт. Акцийы фарс рахæцыдысты се ппæт кълæсты ахуырдзаутæ, сæ ныййарджытæ æмæ ахуыргæнджытæ. Æвзонг экологтæ раиртæстой, ныртæккæ Мæздæджы районы зæронд батарейкæтæ кæдæм æппарой, ахæм контейнертæ кæй нæй, уый. Акцийы архайджытæ кæй æрæмбырд кодтой, уыцы батарейкæтæ сфæнд кодтой Дзæуджыхъæумæ аласын. Рæзгæ фæлтæр ацы фарста фæнд кæнынц бынæттон хицаудзинады размæ æрæвæрын.