Рæзгæ фæлтæры ргом здахдзысты физикæ, хими æмæ биологимæ
Мæздæджы скъолаты байгом кодтой «Точка роста»-тæ. Ахæм ногдзинæдтæй абон æххæст сты Мæздæджы се ппæт скъолатæ дæр, педагогтæ ацыдысты сæрмагонд ахуыртæ, æмæ ныр нырыккон кусæнгæрзтæй пайдагæнгæйæ, сывæллæттимæ тырндзысты ахуыры бæрзæндтæм. Рæзгæ фæлтæры ргом здахдзысты физикæ, хими æмæ биологимæ. Электрон микроскоптæ, алыхуызон датчиктæ, лазерæй конд кусæнгæрзтæ, æппæт ацы нырыккон æууæлтæй сабитæ æхсызгонæй пайда кæндзысты скъолаты, æмæ сæм ахæм хуызы зонындзинæдтæм гуырдзæн фылдæр цымыдисдзинад. Хъызлары дæр «Точка роста» байгом кæнынмæ хуымæтæг цæстæй нæ кастысты, бацæттæ кодтой тематикон буклеттæ, уыдис дзы мидисджын видеороликтæ æмæ концертон программæ. «Точка роста»-тæ ма кадджын уавæры байгом сты Мæздæджы 5-æм æмæ 6-æм скъолаты, стæй районы цалдæр ахуыргæнæндоны дæр.