Ссардтой дзы месхитинаг туркæгты разамонæг Анвар Одабашевы рухс ном
Мæздæджы стадионы ацыд регионты хсæн стыр турнир футболæй. Ссардтой дзы месхитинаг туркæгты разамонæг Анвар Одабашевы рухс ном. Республикæйы национ политикæйы æмæ æддагон бастдзинæдты министрады хъæппæрисæй иу фæзы сæмбырд сты спорты ацы хуыз уарзджытæ, уыдысты Уæрæсейы алы горæттæй. Турниры архайынмæ ссыдысты Краснодары крайæ, Ростовы облæстæй, Цæгат Кавказы республикæтæй, Стъараполы крайæ – æдæппæтæй 9 командæйы. Уазджытыл кад æмæ æгъдауимæ сæмбæлдысты бынæттон хицаудзинады оргæнтæ, туркаг месхитинæгты æхсæнадон организацийы минæвæрттæ, Мæздæджы хæлардзинады хæдзары уæнгтæ. Се ппæтæн дæр радтой сувениртæ, æмæ сын сæ зæрдæ загъта стыр æнтыстдзинæдтæ. Хъазты размæ турниры архайджытæ ссардтой Анвар Одабашевы рухс ном. Турнир цыди сæрмагонд системæмæ гæсгæ. Алы командæ дæр тырныдта уæлахизмæ, спортсментæ равдыстой иттæг хорз цæттæдзинад. Фæзы цы адæм æрæмбырд ис, уыдонæн бацæттæ кодтой бирæ зæрдæлхæнæнтæ. Æрдæгфиналмæ рацыдысты Краснодары крайы æмæ Ростовы облæсты командæтæ. Турниры уæлахиздзау та сси Краснодары крайы командæ.
