Баст уыд, Фыдыбæстæйы Стыр хæсты Уæлахизмæ æгæрон æвæрæн чи бахаста, уыцы сылгоймæгтимæ
«Храбрейшие из прекрасных». Мидхъуыддæгты оргæнты республикон музейы арæзт æрцыд патриотон акци. Баст уыд, Фыдыбæстæйы Стыр хæсты Уæлахизмæ æгæрон æвæрæн чи бахаста, уыцы сылгоймæгтимæ. Зоя Космодемьянская, Людмила ПавличЕнко, Евдокия Никулина, Дауыраты Илитæ, Баситы Чабæхан… Ацы ныфсхаст сылгоймæгтæ, нæлгоймæгтимæ æмрæнхъ, Фыдыбæстæйы сæраппонд равдыстой стыр хъæбатырдзинад. Афтæмæй тох кодтой сабырдзинадыл. Абон дæр уыцы хъуыддаг æнтыстджынæй æххæст кæнынц сæрмагонд æфсæддон операцийы архайджытæ. Скъоладзаутæ радзырдтой се сгуыхтдзинæдты тыххæй. Иу ахæм хъæбатыр сылгоймагимæ фæсивæдæн уыд аныхас кæныны фадат. Семæ фембæлд Музаты Зæлинæ. Уый у медицинон хо-анестезист 412-æм æфсæддон госпиталы. Фронтмæ бахауд, йе фсæддон хæс æххæст кæнгæйæ. Æнæ уымæй йæ цард нæ уыны.
