Ацы фарстайы фæдыл адæмон фронты минæвæрттæ скодтой мониторинг Дзæуджыхъæуы
Мит тайы, æмæ фæндæгтыл æххæстæй разындысты ног дзыхъхъытæ. Ацы фарстайы фæдыл адæмон фронты минæвæрттæ скодтой мониторинг Дзæуджыхъæуы. Æхсæнадон архайджытæ ахæм рейдтæ æдзух саразынц адæмы хъæстыты фæстæ, стæй «Пырх фæндæгты картæ»-йы нысантæм гæсгæ. Цавæр фиппаинæгтæ рабæрæг, уый тыххæй радзурдзæн Хъайтмазты Дзерассæ.
Павленкойы уынджы фæндаггон уæлцъарыл дзыхъхъ автомобилисттæн у тынг тæссаг. Уыимæ — æргомæй нæ. Цæмæй цалх дзыхъхъы ма бахауа, уый тыххæй шофырæн æндæр гæнæн нал вæййы, æмæ рахизы ныхмæдзæуæг рæнхъмæ.
Адæмон фронты минæвæрттæ скодтой традицион мониторинг горæты фæндæгты уавæрæн. Æхсæнадон архайджытæ ахæм рейдтæ æдзух саразынц адæмы хъæстыты фæстæ, стæй «Пырх фæндæгты картæ»-йыл нысантæм гæсгæ. Ахæм фарстайаг бынæттæй иу у Гæдиаты Цъомахъы уынг. Бордюры раз асфальты хай ныббадтис.
Мит куы атадис, уый фæстæ ног дзыхъхъытæ æххæстæй разындысты. Гастеллойы уынджы хæтæлтæ куы баивтой, уый фæстæ сæвзæрд цæлхвæд. Уый иувæрсты цæугæйæ, гæнæн ис æмæ шофыртæ скъуырой сæхи ныхмæдзæуæг машинæтимæ. Дзанайты Иваны уынджы автомобилисттæн тæссаг у бахауын доны бын æмбæхст дзыхъхъы. Кировы æмæ Огневы уынгты алвæндагыл дзыхъхъ та у рекордсмен. Йæ арф у 30 сантиметры.
Адæмон фронты мониторинг аххæсдзæн республикæйы æппæт районтыл.
