Бынæттон администрацийы ууыл æрныхас кодтой бæстонæй
Муниципалон программæ æххæст кæнгæйæ, Дзæуджыхъæуы цæуынц территоритæ аив кæныны куыстытæ. Бынæттон администрацийы ууыл æрныхас кодтой бæстонæй. Афтæ ныртæккæ цалцæг кæнынц Суннитаг мæзджытмæ цы тротуар ис, уый. Сæвæрдзысты дзы ног рухсгæнæнтæ, бандæттæ æмæ урнæтæ. Горæты администрацийы профилон управленийæ куыд фехъусын кодтой, афтæмæй уыцы куыстытыл ацæудзæн мæй æмæ рдæг. Уымæй дарддæр ивынц Ленины фæзы æмбæрзт дæр. Зæронд къæйдуртæ райхæлдтой, уый фæстæ специалисттæ райдайдзысты бордюртæ æвæрын. Зæгъдзыстæм ма уый дæр, æмæ Ленины фæзы æмæ Сабырдзинады проспекты тротуартæ конд æрцæудзысты иу стилы, сырх æм морæ хуызты. Ног проектмæ гæсгæ ма фадæттæ сараздзысты, йе нæниздзинад хъыгдард кæмæн у, уыцы категорийы адæмæн. Æппæт куыстытæ фæуыдзысты июлы. Æдæппæтæй та ацы аз саив кæндзысты 21 æхсæнадон территорийы — хъусын кæны горæты администраци. Милдзыхты Вячеслав бæрнон адæймæгты æргом аздæхта микрорайон Новый город æмæ Бамы цъæх фæлыстмæ. Горæты разамонæг бабар кодта, цæмæй уыцы бынæтты фæззæджы ныссадзой бæлæстæ.
