Нырæй фæстæмæ кредит райсгæйæ, проценты ставкæ фæкъаддæр
Нæ республикæйы микрофинансты Фонды мæйæ фылдæр кусы сæрмагонд программæ. Нырæй фæстæмæ кредит райсгæйæ, проценты ставкæ фæкъаддæр. Афæдзмæ 9 æмæ рдæджы бæсты фидын хъæудзæн 3%. Фæфылдæр кредиты бæрц дæр – 800 мин сомы онг. Уый та ахадгæ æххуыс у бизнесæн, уæлдайдæр та сакнциты рæстæг.
Нæ республикæйы 4 азы кусы сывæллæтты психологийы æмæ рæзты центр. Хъороты Хетæг йæ хъæппæрис царды уадзын райдыдта чысыл бæстыхайæ. Цыди йæм цалдæр сывæллоны. Фæлæ рæстæг куыд цыд, афтæ фылдæр кодтой сывæллæттæ дæр æмæ, кæй зæгъын æй хъæуы, центры хъуыд уавæртæ дæр фæхуыздæр кæнын. Хетæг йæ курдиат бахаста микрофинансты фондмæ æмæ ныр тагъд рæстæджы центры фæзындзæн бассейн.
Хъороты Хетæджы курдиатмæ куы ркастысты æмæ йын хъæугæ фæрæзтæ куы радтой, уæд фонды кредитон комитеты минæвæрттæ сфæнд кодтой, куыстытæ куыд цæуынц, уый сбæрæг кæнын, æмæ уазæгуаты æрбацыдысты амалхъом адæймагмæ.
Республикæйы амалхъом адæмæн фонды минæвæрттæ кæнынц æппæтвæрсыг æххуыс. Ацы аз майы базар «Викалинæ»-йы æрцыд зынгсирвæзт. Дæсгай амалхъом адæмимæ дзы хъыгдард баййæфта Гæбуты Лианæ дæр. Куы базыдта микрофинансты фонды тыххæй, уæд хъæугæ гæххæттытæ æрæмбырд кодта. Куыд зæгъы, афтæмæй ацы ххуыс зынгæ фæбæрæг йæ куыстыл.
Амалхъом адæмæн æххуыс кæнынц льготæты руаджы. Раттынц сын 3 милуан сомæй 5-ы онг. Бафидынц сæ 3%-мæ. Фæрæзтæ райсæн ис 3 азмæ æмæ уымæй къаддæр рæстæгмæ.
Ацы аз микрофинансты фондмæ сæ курдиæттæ балæвæрдтой 60 амалхъом адæмагæй фылдæр. Се ппæт дæр сты чысыл æмæ астæуккаг бизнесы субъектты реестры. Æмæ иууылдæр æххуыс райстой. Фæрæзты бæрц аразгæ у, амалхъом адæймаг цы куыст кæны, уымæй.
