Тематикон æмæ динамикон фæзты уазджытæн равдыстой Уæрæсейаг æфсæддон хæцæнгарзы хуызтæ, техникæ
Нæ республикæйы райдыдта æппæтадæмон æфсæддон-техникон форум «Армия 2020». Тематикон æмæ динамикон фæзты уазджытæн равдыстой Уæрæсейаг æфсæддон хæцæнгарзы хуызтæ, техникæ. Уый бирæ азты дæргъы хъахъхъæны нæ бæстæйы æдасдзинад. Пайда дзы кодтой æппæт дунейы алы рæтты. Хæстон быцæутæ кæм цыди, ахæмты. Цæгат Ирыстоны цæрджытæн се фсæддон цæттæдзинад æмæ фæлтæрддзинад равдыстой профессионалон æфсæддон службæтæ. ДОСААФы аэродромы æфсæддон маневртæй сæхи фæлвæрдтой мысанæхсæн æмæ танкты ротæтæ, стæй 58-æм æфсады службæгæнджытæ. Æвдыстой ма танк Т-90 æмæ БМП-3-йы хъомыс. Æфсæддонтæ сæ арæхстдзинад равдыстой ныхмæлæууæджы ныхмæ уæлдæфон атакæтæ аразынæй. Уазджытæ федтой алыхуызон æфсæддон операцитæ. Форум фæуыдзæн 29-æм августы.
