Зæгъæм, 2 азы фæстæ Дзæуджыхъæуы фæзындзæн тæккæ нырыккондæр спортивон комплекс
Нæ республикæйы зындгонд спортсменты нымæц цæмæй фылдæр кæна, уый тыххæй сын аразынц бирæ фадæттæ. Зæгъæм, 2 азы фæстæ Дзæуджыхъæуы фæзындзæн тæккæ нырыккондæр спортивон комплекс. Архайыны фадат дзы уыдзæн канд профессионалон спортсментæн, спорты ветерантæн, æмæ æнæниз цардыуаг чи уарзы, ахæм адæмæн нæ, фæлæ ма йе нæниздзинад хъыгдард кæмæн у, уыдонæн дæр. Ныртæккæ ма цалцæггонд цæуы Беслæны стадион «Пищевик» дæр.
Цæгат Ирыстон хъуыстгонд у йæ спортсментæй. Цæмæй сын хуыздæр тренировкæтæ кæныны фадат уа, уый тыххæй Морских Пехотинцев æмæ Хадарцаты Асланы уынгты тигъыл федералон программæмæ гæсгæ сараздзысты спортивон комплекс. Абоны онг республикæйы ахæм объекттæ нæма ис, æмæ, кæй зæгъын æй хъæуы, программæ у ахсджиаг. Объект араздзысты фæрæзтæ радих кæнгæйæ. 51 % уыдзæн амалхъом æмкусæгæй, 49% та паддзахад рахай кæндзæн. Уыцы 49 процентæй 6% уыдзысты республикæйы бюджетæй.
Сæйраг хæс – цæмæй адæм æнæниз цардыуагмæ æмхиц кæной. Уымæн ног спортивон комплексы канд профессионалон спортæй архайынæн нæ уыдзæн, фæлæ ма йæ æнæниздзинадмæ æркæсын кæй фæнды, уымæн дæр. «Физкультурон-дзæбæхгæнæн» дæр уымæн хуыйны.
Кæй зæгъын æй хъæуы, ног залы тренажертæ дæр уыдзысты нырыккон. Спортсменты домæнтæ æххæстгонд уыдзысты иууылдæр. Цæмæй фæсарæйнаг технологитæй пайдагæнгæйæ къуылымпы ма уа, уый тыххæй хъæуы Уæрæсейаг технологитæй пайда кæнын – зæгъы юрисконсульт.
Цæмæй Ирыстоны спортсментæ фылдæр кæной, уый тыххæй сын хъæуы тренировкæтæ кæныны фадæттæ скæнын. Тагъд рæстæджы сцалцæг кæндзысты Беслæны стадион «Пищевик». Йæ зал уыдзæн 500 квадратон метрæй фылдæр. Уыдзæн дзы фадат спорты алы хуызтæй архайынæн. Объект аразын райдыдтой мартъийы райдайæн æмæ йæ хъуамæ фæуой ноябры. Уыдзæн дзы тренировкæты фæстæ хи найæн бынат стæй медицинон пункт дæр.
Уыдзæн ма дзы футболон фæз 7 мин æмæ 5 сæдæ квадратон метры. Хъазтмæ бакæсынмæ чи рбацæуа, уыдонæн уыдзæн 2 мин бынаты. Стæй се нæниздзинад хъыгдард кæмæн у, уыдонæн дæр уыдзæн 13 бынаты. Скæндзысты сын пандустæ, цæмæй сын æнцондæр уа, уый тыххæй.
