Сси Польшæйы континенталон турниры уæлахиздзау
Найфонты Артур рамбылдта йе ртыккаг сызгъæрин майдан Европæйы чемпионаты. Сси Польшæйы континенталон турниры уæлахиздзау. Æмдых ныхмæлæууæг ын нæ разынд 86 килограммы уæзы. Кæронбæттæн фембæлды йæ размæ рацыд гуырдзиаг спортсмен Сандро Аминашвили. Не мзæххон фæуæлахиз 8:0 хыгъдæй. Уæззау уæзы категорийы та æвзист майдан нæ бæстæйы иугонд командæйæн æрхаста Козырты Сергей. Кæронбæттæн ерысы фæхæрд олимпаг чемпион, туркаг богалæн. Козырты Сергей Европæйы чемпионаты архайдта фыццаг хатт. Тедеты Дзамболаты уæрæсейаг командæйæн афтæмæй бантыст 6 сызгъæрин майданы рамбулын, æмæ командон хыгъды фыццаг бынат бацахсын. Континенталон чемпионаты ма фыццаг бынæттæ бацахстой Салхъазанты Таймураз æмæ Гулаты Æхсарбег. Уыдон сты Словакийы иугонд командæйы хыгъды.
