Ивгъуыд аз хъæу фæуæлахиз, æнцонвадат уавæртæ аразыны хуыздæр проектты Æппæтуæрæсеон конкурсы, номинаци «Историон бынат»-ы
Нарыхъæуы райдыдтой æхсæнадон территори аив кæнын. Ивгъуыд аз хъæу фæуæлахиз, æнцонвадат уавæртæ аразыны хуыздæр проектты Æппæтуæрæсеон конкурсы, номинаци «Историон бынат»-ы. Проект схуыдтой «Нар – иудзинады хъæу». Ам фæзындзæн туристон информацион центр. Уазджытæн дзы фадат уыдзæн экскурси саразынæн историон бынæттæм. Уымæй дарддæр дзы уыдзæн амфитеатр, бынæттон æрмдæсныты дæсныйадæвдисæг ахуыртæ аразынæн павильон, базарадон кæрт, трибунæтимæ аренæ бæхылбадджыты ерыстæн. Алцыдæр арæзт уыдзæн иумæйаг стилы, æмæ хорз сфидаудзæн хæххон уавæрты. Нар ирон адæмæн канд рæсугъд æрдзон бынат нæу, фæлæ ма арвы бын музей дæр. Уымæ гæсгæ ахсджиаг у æппæт объекттыл лæмбынæгæй бакусын, стæй Нары хъæздыг бынтæ бахъахъхъæнын. Уыимæ хъуамæ хъæу рæза дарддæр, æмæ суа нырыккон хæрзвадат бынат Цæгат Ирыстоны цæрджытæн æмæ уазджытæн. Аивгæнæн куыстытæ райдыдтой, национ проект «Цæрæнуæттæ æмæ горæты тыгъдад» æххæст кæнгæйæ. Хъуамæ фæуой ацы аз.
